Este venres 14 de febreiro prosegue o programa ArroRois posto en marcha polo Concello de Rois para achegar lecer ás familias con bebés e crianzas miúdas. A nova cita non é outra que Un bico para Alí. Será no Auditorio Municipal a partir das 18.00 horas. Trátase, en palabras da Área de Cultura do Concello, dun “entrañábel contacontos con Lydia Botana a través do cal acompañaremos a Alí na súa misión de axudar a Antón, un neno con dificultades de linguaxe, a través de contos, cancións e outros recursos”. A representación está dirixida a familias con nenas e nenos de 3 a 6 anos.
