A peixaría online Fresco y del Mar celebra San Valentín co sorteo dunha mariscada para catro persoas

10 Febreiro 2025

Fresco y del Mar, a peixaría online de Muros que envía marisco e peixe fresco a toda España, lanzou a súa iniciativa para celebrar o San Valentín, este 14 de febreiro, baixo o lema Me tienes pescado. El Fist Dates del Mar. Cun intenso labor creativo en redes sociais, a iniciativa inclúe o sorteo dunha mariscada para catro persoas pola compra do lote do Día dos Namorad@s para dúas persoas Me tienes pescado. O lote inclúe unha selección de marisco galego con centola, navallas, berberechos de Muros, ameixa babosa, polbo cocido, un tarro de sardiña azul en aceite de oliva de Portosín e unha botella de Albariño, e estará dispoñíbel na páxina web ata o 14 de febreiro. “Trátase dun menú pensado para deleitar os sentidos e brindar polo amor”, explican dende a peixería muradá.

Un San Valentín con premio

Explican na empresa que “o máis especial desta promoción é que quen compre a mariscada de San Valentín ou realice unha compra igual ou superior a 150 euros na web de Fresco y del Mar entrará directamente no sorteo dunha mariscada para 4 persoas”, que poderán gozar ao longo de todo o 2025. Desde a empresa consideran que “despois de brindar polo amor hai que brindar pola amizade”; e convidan aos compradores a compartir unha fotografía gozando do marisco galego en parella. Así, en caso de resultar gañadores, podería compartirse esta imaxe nas redes sociais de Fresco y del Mar.

A iniciativa tamén inclúe unha divertida proposta en redes sociais: un xogo interactivo no que os seguidores tentarán adiviñar os produtos do mar dos que se fala a partir de descricións inspiradas en citas de First Dates. Así, Fresco y del Mar busca “conectar unha vez máis co público dunha forma amena ao mesmo tempo que pon en valor o produto sostíbel e de proximidade”.

A peixaría muradá naceu como unha iniciativa para comercializar peixe e marisco procedente da pesca responsábel, é dicir, aquela que emprega métodos artesanais e respecta os ciclos biolóxicos e os tamaños das especies. Neste momento, a compañía é líder na venda online de peixe e marisco fresco desde a Costa da Morte e a ría de Muros e Noia a toda España, garantindo a máxima frescura do produto co envío entre 24 e 48 horas despois da súa captura. Desde as súas orixes, centrou os seus obxectivos en visibilizar o traballo diario das confrarías de pesca artesanal da comarca muradá e das zonas próximas, promovendo exemplos de pesca sustentábel que eviten malas prácticas industriais que esnaquizan o fondo mariño e non respectan as especies protexidas.

Outros artigos

Volve o Concurso Escolar de Poesía Rosalía de Castro

A Fundación Rosalía de Castro e a Secretaría Xeral da Lingua presentaron hoxe a VIII edición do Concurso Escolar de Poesía Rosalía de Castro, coa que as dúas entidades, en colaboración con El Corte Inglés, pretenden fomentar a creación poética en lingua galega á vez...

+

Publicidade

Revista en papel

Opinión

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.