O Concello de Ribeira plantará novas árbores a carón do Campo da Tasca, en Aguiño

10 Febreiro 2025

O Concello de Ribeira informa que “debido ao mal estado das árbores situadas a carón do Campo da Tasca de Aguiño”, estase a proceder á súa tala para “garantir a seguridade da veciñanza así como das persoas que empregan o paseo e as instalacións deportivas”. Dende o Consistorio lembran que estas árbores foron transplantadas no seu momento como parte das obras de renovación da rúa Castelao, pero o proceso de transplante “non foi o axeitado xa que a moitas cortáronlles as raíces, impedindo a súa correcta adaptación e provocando a morte de todas elas, preto dunhas 25 árbores dun tamaño considerábel”. O Concello engade que esta situación non “só supuxo un impacto ambiental e paisaxístico, senón que agora obriga a destinar recursos públicos para resolver un problema que se podería ter evitado cunha mellor planificación e execución das obras”.

No comunicado o Goberno local sinala que o estado actual é “totalmente seco”, polo que supoñen un risco de caída que podería afectar a persoas e para a rapazada que usa o campo.

Dende o Concello informan de que a Brigada Municipal de Xardíns está a realizar os traballos de retirada das árbores afectadas. Unha vez completada esta tarefa, o Concello procederá á plantación de novas especies, concretamente chopos brancos, co obxectivo de recuperar a vexetación da zona e manter o seu valor paisaxístico. O actual goberno municipal reafirma así “o seu compromiso co coidado e conservación do patrimonio natural, ademais en todas as novas actuacións que se fan inclúese a plantación de novas árbores co obxectivo de reverdecer o municipio”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.