Boiro presume de tecido cultural e asociativo

08 Febreiro 2025

O Concello de Boiro organizou este venres o I Encontro do Tecido Cultural Boirense, unha xuntanza destinada a poñer en valor o labor das entidades, asociacións culturais e comisións de festas do municipio, ademais de establecer as bases para unha programación conxunta que integre as distintas propostas culturais.

O principal obxectivo deste encontro foi dar a coñecer as entidades culturais e as actividades que realizan, promovendo as sinerxias entre elas para avanzar cara a unha programación global e coordinada. A convocatoria contou coa participación de máis de 40 colectivos, entre os que se incluíron entidades culturais, asociacións veciñais, comisións de festas e grupos diversos.

A concelleira de Cultura, María Outeiral, destacou a importancia deste tecido asociativo: “Para min é un orgullo contar cun tecido cultural tan amplo e activo, que programa actividades para públicos moi diversos en todas as parroquias. Isto enriquece enormemente a vida cultural en Boiro”.

Durante o encontro, realizouse un balance das actividades celebradas ao longo do último ano, especialmente durante o verán, e abordáronse as diferentes líneas de axuda e colaboración impulsadas pola administración local. A concelleira recoñeceu o papel fundamental das entidades na dinamización cultural do municipio e asegurou que o Concello seguirá apoiando as iniciativas promovidas polos colectivos locais: “Somos un referente cultural e iso é grazas á implicación de todos os que programades actividades. Seguiredes contando coa colaboración do Concello de Boiro”.

O Concello de Boiro celebra o I Encontro do Tecido Cultural Boirense

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.