Con motivo do Día de Rosalía 2025, o Concello de Boiro prepara unha viaxe cultural ás Terras de Rosalía programada para o vindeiro sábado 15 de febreiro. Para participar é necesario inscrición previa, que se pode formalizar xa na Casa da Cultura.
A actividade consistirá nun roteiro teatral por Compostela realizado por Os Quinquilláns; ao Panteón dos Galegos Ilustres; unha visita guiada ao Museo do Pobo Galego e Bastavales pola mañá; o xantar será no restaurante Escala (opcional) e pola tarde terá lugar o roteiro teatral por Padrón.
A saída está prevista en autobús ás 9.30 horas dende a Cachada e o regreso a Boiro ás 18.00 horas.
Para participar é necesario inscribirse previamente na Casa da Cultura de Boiro, no teléfono 981 84 84 25 ou no enderezo electrónico educacion@boiro.gal.
