A patronal boirense (ABE) puxo en marcha este luns 3 de febreiro unha nova campaña de promoción con motivo da festividade de San Valentín (14 de marzo) co obxectivo de “premiar a fidelidade dos clientes dos negocios asociados”. Desta volta, os premios consisten en cinco caixas de doces elaboradas expresamente para a ocasión e formando as elaboracións incluídas (queixiñas, tortas miúdas, galletas e macarons) a palabra “LOVE” coas que as persoas agraciadas poderán sorprender á persoa que queiran ou desfrutalos elas mesmas. A ABE fará entrega destes premios o mesmo día de San Valentín (venres 14 de marzo).
Para participar no sorteo os clientes deben rexistrar os tíckets de compra de calquera negocio asociado a ABE na web www.abe.gal entre o 3 e o 13 de febreiro e o sorteo realizarase o día 13 ás 12:00 horas (serán válidos os rexistros realizados ata a hora do sorteo). A ABE contactará coas persoas premiadas ese mesmo día para que poidan recoller o seu agasallo o día de San Valentín. Esta campaña conta co financiamento da Xunta de Galicia.
