A iniciativa de divulgación e creatividade tecnolóxica Creactivity (Pensa coas mans) de EduCaixa e Fundación La Caixa chegará o vindeiro mes a Porto do Son, concretamente os días 6 e 7 de febreiro. Trátase dun espazo argalleiro itinerante para estimular o talento que todas as nenas e nenos levan dentro, apostando pola fórmula infalíbel del aprender xogando. Achegará actividades para a rapazada de entre 7 e 12 anos.
Creactivity é un espazo de obradoiros formativos e divulgativos enmarcado no movemento Design Thinking, que pon en xogo a creatividade, a experimentación e a innovación. Proponse unha exploración libre, individual ou colectiva, que permite planificar, crear e construír para dar resposta a retos suxeridos ou propios, mediante a manipulación, observación e exploración de materiais e fenómenos. As propostas, abertas e interdisciplinarias, abranguen disciplinas STEAM (siglas de Ciencia, Tecnoloxía, Enxeñaría, Arte e Matemática) e pretenden apoderar ao alumnado para intervir no mundo que lles rodea.
Máis información en:
info@creactivitybus.com
900 101 493
