A parroquia boirense de San Vicente de Cespón celebra esta semana as festas na honra do seu patrón. Será unha festa en dúas quendas: por unha banda a vertente relixiosa que se concentra este mércores 22 e pola outra a troula nocturna do sábado 25 de xaneiro (a partir das 21.45 horas) no campo de San Roque.
A axenda do mércores inclúe alboradas con música tradicional galega e misa cantada (bombas a partir das 10.00 e ruada con Os Pequenos do Barbanza; e misa cantada a partir das 12.00 con procesión ata a capela de San Roque acompañada novamente por Os Pequenos do Babanza).
A axenda do sábado inclúe unha verbena co Trío Arena (ás 21.45) e co Fania Blanco Show (a partir das 23.00 horas).
