Os empresarios de Ribeira amplían até o 19 de xaneiro a pista de xeo do porto

14 Xaneiro 2025

Con vistas celebrar ao grande o Nadal que acabamos de celebrar, a explanada do porto de Ribeira (o Malecón) acolle dende o 5 de decembro unha pista de xeo de 250 metros cadrados para o desfrute de veciños e visitantes. Trátase dunha iniciativa da Asociación de Empresarios que contou cos permisos de Portos e coa colaboración dos Concellos de Ribeira, da Pobra do Caramiñal e de Porto do Son, co obxectivo de completar e enriquecer a oferta destes territorios da comarca do Barbanza durante as festas de Nadal e fortalecer, a maiores, a dinamización comercial durante estas celebracións. Agora, segundo sinalou a patronal de Ribeira, dada a boa acollida que tivo a pista entre a veciñanza do concello e da comarca, decidiuse ampliar a duración da mesma ata o próximo domingo, 19 de xaneiro.

O custe por sesión seguirá a ser de sete euros, con tarifa rebaixada para entidades sociais, colexios ou asociacións de nais e pais. Ademais, as patronais dos ditos territorios distribúen entradas entre os establecementos participantes (sectores comerciais, da hostalería e da restauración) para seren repartidas entre os seus clientes, fomentando deste xeito as compras durante estas festas sinaladas.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.