A asociación inclusiva da nosa comarca Amicos vai despedir o ano 2024 con “cifras de récord” no apoio e asesoramento laboral dirixido a persoas con discapacidade intelectual e/ou en risco de exclusión social. No marco deste servizo encádranse os programas Ribeira Inserta2 e Mérida Inserta2, a través dos que durante este primeiro ano apoiouse a máis de 240 persoas participantes, alcanzando máis de setenta insercións laborais, en Galicia e Extremadura.
Así, os/as participantes desfrutaron dun servizo individualizado de orientación laboral e formativa, así como dun seguimento personalizado da súa situación para favorecer as súas posibilidades de inserción.
Durante este primeiro ano, realizáronse distintas accións gratuítas para a mellora da empregabilidade, como cursos de Conserxe – recepcionista, Atención ao cliente, Auxiliar de transporte e comedor, ou Operadora de carretilla elevadora.
Tralo éxito desta primeira anualidade, o equipo de Amicos abre inscrición para participar en ditos programas de cara ao 2025. As persoas interesadas en anotarse poden facelo a través do correo electrónico personas@amicos.org ou no teléfono 682 516 278.
A Asociación Amicos executa o programa Ribeira Inserta2 xunto coa iniciativa Mérida
Inserta2 en Extremadura. Ambas son iniciativas impulsadas pola asociación inclusiva do Barbanza dentro do programa +Empleo, cofinanciado pola Fundación “la Caixa” e polo Fondo Social Europeo, no marco do Programa FSE+ de Inclusión Social, Garantía Infantil e Loita contra a pobreza para o período 2021-2027.
