A agrupación noiesa A Misela vainos agasallar este 27 de decembro cun Concerto de Nadal para conmemorar con música da boa estas festas do remate do ano. A actuación, abeirada ás Festas de Queiruga e máis ao amplo programa de actividades culturais e de lecer argallado polo Concello de Porto do Son, vaise celebrar este venres 27 ás 19.30 horas na Casa da Cultura de Queiruga. A Misela é unha agrupación noiesa de música coral que centra a súa actividade nos sons iberoamericanos, poñendo o foco na música popular tanto da Península Ibérica como de América Latina.
