O Concello de Rianxo informou do desenvolvemento dos traballos destinados á renovación do firme do viario do núcleo de Quintáns, na parroquia de Isorna. Nestes últimos meses levouse a cabo a instalación das redes de saneamento e abastecemento de auga para consumo doméstico en toda a aldea de Quintáns, segundo confirmaron fontes do Consistorio rianxeiro, engadindo que as obras, en conxunto, “contaron cun orzamento de algo máis de 215.000€ financiado con cargo ao Plan Único da Deputación da Coruña”.
Por outra banda, ao longo da xornada deste 18 de decembro estanse a levar a cabo traballos análogos de mellora do rime no acceso aos núcleos de Cerqueiras, Vilar e Campelo, polo que a estrada ficará pechada durante o mércores. Para accederen a estas aldeas os veciños deberán empregar a alternativa existente a través do concello de Dodro.
