130 participantes desafiaron o frío na Andaina Solidaria e no Belén de Cumes en Lousame

15 Decembro 2024

Un total de 130 persoas participaron esta mañá na Andaina Solidaria e no Belén de Cumes, organizados polo Concello de Lousame, nunha xornada marcada polas baixas temperaturas. Este evento, que cada ano combina solidariedade e deporte, presentou dúas novidades nesta edición: un novo itinerario e unha causa solidaria dedicada ás persoas damnificadas pola dina de Valencia. A actividade recadou preto de 800 euros grazas ás inscricións, establecidas en 6 euros por adulto, mentres que os menores de 10 anos participaron de balde.

A concelleira de Cultura, Silvia Agrafojo, destacou a relevancia da iniciativa e agradeceu a alta participación: “Somos 130 valentes nesta andaina e o importante é que todo o recadado se destina ás persoas afectadas pola dina de Valencia. Desde o Concello de Lousame queremos achegar o noso gran de area para axudar no posible”. Tamén expresou o seu agradecemento á Cruz Vermella de Noia, Protección Civil de Lousame, Autos Comparado e á rede de voluntariado local polo seu apoio.

Pola súa banda, a concelleira de Deportes, Mariel Agrafojo, aproveitou para animar á veciñanza a participar nas próximas actividades deportivas, como o Pequetrail do sábado e o Trail de Lousame, previsto para o 29 de decembro. “Son citas ideais para desfrutar do deporte no marabilloso entorno natural que temos en Lousame”, afirmou.

A xornada comezou na praza do Concello ás 9:30 horas, onde os participantes recibiron os seus dorsais e unha braga para o pescozo, un accesorio especialmente útil dado que a saída se produciu a 0 graos desde a praza Teodomiro Hidalgo. Dous autobuses de Autos Comparado trasladaron aos camiñantes ata o monte Iroite, onde a temperatura era máis agradable, ao redor dos 10 graos.

Guiados polo técnico municipal de Deportes, Germán Romero, e coa colaboración da Cruz Vermella de Noia, persoal municipal e voluntariado, os participantes completaron un percorrido de 8 quilómetros ata a capela da Nosa Señora da Gorgosa, en Camboño. Durante o traxecto gozaron de impresionantes vistas panorámicas da ría.

Unha vez en Camboño, os asistentes montaron o tradicional Belén de Cumes e desfrutaron dun chocolate con churros, cortesía da Churrería Rafa, mentres escoitaban panxoliñas interpretadas por Chiña. A combinación de deporte, solidariedade e tradición fixo desta unha xornada inesquecible para todas as persoas asistentes.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.