Presentación na Pobra do novo poemario de Esperanza Mariño: A pousa da libélula

13 Decembro 2024

O auditorio da biblioteca municipal Victoriano García Martí da Pobra do Caramiñal acolleu na tarde do 13 de decembro a presentación de A pousa da libélula, o novo poemario da escritora Esperanza Mariño. A obra aborda, a través do simbolismo da libélula, temas universais como o paraíso perdido da infancia, o medo, o soño, a soidade, o amor e a morte, invitando á reflexión sobre cuestións fundamentais da vida humana e problemáticas globais como os incendios forestais e as guerras.

Durante o acto, Mariño estivo acompañada pola concelleira de Cultura, Patricia Lojo, e o membro da A. C. Barbantia, Xesús Laíño. A edil destacou a prolífica traxectoria literaria da autora, lembrando a súa contribución a eventos culturais como a presentación, a mediados de ano, de As escumas da letra. Biobibliografía de Luísa Villalta no marco do Maio das Letras Galegas.

O poemario incorpora unha dimensión internacional coa tradución dos seus textos ao xaponés por Takekazu Asaka, complementados por gravados ukiyo-e, unha técnica artística que realza a beleza do efémero, coñecida como “pinturas do mundo flotante”. Así, A pousa da libélula reafirma o valor da poesía para conectar culturas e reflexionar sobre as complexidades da existencia.

Outros artigos

Publicidade

Revista en papel

Opinión

“O importante é chegar”. Loís Celeiro

“O importante é chegar”. Loís Celeiro

Chegou á estación de Renfe coa metade da lingua fóra da boca, tan fóra que a punta daquela lingua calada mollaba e ensuciaba o nó da garabata, que lucía as cores do arco da vella. Antes de suar aquela fermosa prenda de vestir arroupaba a elegancia dun home feito e...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.