Un raio provoca un pequeno incendio nas tubaxes dun depósito de gas nunha nave de Boiro

01 Decembro 2024

Ocorreu a primeira hora desta mañá nunha das naves do polígono de Espiñeira, e non se rexistraron danos persoais.

Foi contra as 8:10 horas cando un particular alertou ao 112 Galicia de que vía lapas nun dos depósitos de gas da empresa boirense.

Nese momento, os xestores do CIAE-112 Galicia activaron un operativo para o que solicitaron a participación dos Bombeiros, da Policía Local e do Servizo Municipal de Protección Civil de Boiro. Ao mesmo tempo, informouse a Urxencias Sanitarias de Galicia-061, que non tivo que intervir.

Os Bombeiros traballaron nas instalacións xunto co persoal de mantemento da empresa, e confirmaron que estaban ardendo dúas tubaxes no depósito de gas. O lume foi atallado rapidamente sen que se vise afectado nada máis.

Finalmente, os equipos de emerxencias explicaron que o incendio orixinouse por un raio que caeu preto do lugar.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.