Un novo encontro entre o conselleiro do Mar, Alfonso Villares e os representantes das Federacións de Confrarías de Pescadores permitiu a estes coñecer as previsións da Xunta na cogobernanza da xestión pesqueira e marisqueira en Galicia, de cara ao novo exercicio orzamentario no que a Consellería do Mar disporá de 220 millóns de euros (aproximadamente un 3% máis ca no ano 2024). Trátase de recursos que permitirán afondar nas políticas de apoio á actividade extractiva e reforzar as actuacións de apoio postas en marcha durante este ano.
O conselleiro e as confrarías avaliaron o grao de execución do Plan de Competitividade e Sostibilidade do Marisqueo de Galicia e analizar posibles novas necesidades do sector susceptibles de seren recolleitas en próximas actuacións. O responsable autonómico salientou a regulación das coñecidas como “demasías” na modificación da Lei de Confrarías de Pescadores de Galicia que vai incluída na Lei de Medidas que se está a tramitar xunto cos Orzamentos autonómicos para o vindeiro exercicio. O obxectivo é que os pósitos poidan contar entre os seus recursos o obtido en primeira venda dos excedentes de marisco que en ningún caso poden superar os topes establecidos no propio plan de xestión ou nas autorizacións mensuais emitidas pola Consellería.
Estas medidas, dixo o conselleiro, mellorarán o financiamento propio das confrarìas para atender as actividades vinculadas cos plans de xestión do marisqueo, favorecendo a súa autonomía económica. Este cambio nornativo permitirá, dixo asimesmo, o desenvolvemento regulamentario desta pràctica, facilitando a súa ordenación e aplicación baixo criterios uniformes á vez que aporta transparencia na forma en que cada unha das entidades realiza a xestión de excedentes.
Villares e o seu equipo informaron ao sector das medidas executadas ou en execución no marco do plan autonómico por valor de máis de 50 millóns de euros en axudas diretas, medidas de apoio económico e planificación recollidas no plan dotado con 123 millóns de euros, cifras que para Alfonso Villares reflicten o avanzado grao de execución dos compromisos acadados cos máximos representantes do sector pesqueiro. Como exemplo puxo as achegas autonómicas de carácter extraordinario para profesionais e entidades sectoriais, ás dirixidas, ás paradas temporais da actividade extractiva, á xestión integral dos recursos biolóxicos mariños, á protección e recuperación da biodiversidade dos ecosistemas ou os proxectos de planificación, adecuación e mellora das zonas de produción.
Cómpre agora a resposta efectiva desta planificación dun sector que reckama máxima atención nujnhas cjrcujnstancias para nada favorables aos seus intereses.
