A campaña do Black Friday en Ribeira reparte esta “finde” 1.000 euros en vales de compra

25 Novembro 2024

A Asociación de Empresarios de Ribeira presentou este luns 25 de novembro na súa sede a campaña local do Black Friday, que se celebra esta fin de semana (venres e sábado 29 e 30 de novembro) e que repartirá 1.000 euros en premios (vales de compra para ser investidos en Ribeira).

O obxectivo da iniciativa, que conta coa colaboración do Concello e da Xunta, será reivindicar o comercio de proximidade nunha data (a do último venres de novembro) que cobra cada vez máis relevancia entre os consumidores e na que é máis importante ca nunca recordar a importancia de mercar en clave local e apoiar ás nosas empresas e negocios.

Temos máis información na web da patronal de Ribeira.

Na presentación participaron o presidente da asociación, Francisco Martínez Gude, o alcalde Luís Pérez Barral e os concelleiros Vicente Mariño e Veva Betanzos. Segundo fixeron saber, a clave da campaña é un sorteo que irá dirixido a tódolos clientes que merquen e consumen nos establecementos asociados da patronal. As persoas participantes deben ser maiores de idade, sendo a súa participación gratuíta e sen contraprestación algunha. O obxectivo fundamental da campaña é incrementar as vendas e incentivar o consumo no pequeno comercio retallista de Ribeira.

A promoción realizarase entre as compras e consumicións feitas os días 29 e 30 de novembro de 2024. A forma de participar será mercando e consumindo en calquera establecemento socio. O sorteo realizarase o luns 2 de decembro ás 12:00h no local da Asociación de Empresarios.

Sortearanse 1.000€ en vales de compra, que se repartirán do seguinte xeito:

-Os tíckets de compra do día 29 rexistrados, participarán nun sorteo de 500€ que serán distribuídos en 10 vales de 50€.

-Os tíckets de compra do día 30 rexistrados, participarán nun sorteo de 500€ que serán distribuídos en 10 vales de 50€.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.