Máis de 600 incidencias relacionadas coa meteoroloxía adversa

24 Novembro 2024

Desde onte e ata as cinco desta tarde, as intervencións dos recursos de emerxencias creceron exponencialmente.

O saldo supera as 600 incidencias (668) e a caída de árbores continúa sendo a tipoloxía máis repetida das últimas horas. 

Precisamente, a caída de vexetación e mesmo de obxectos e restos de estruturas está conducionando a circulación e aumenta os riscos nas rúas. Por iso, reiteramos a necesidade de adoptar medidas de autoprotección, como retirar quitar das xanelas e balcóns calquera elemento que puida caer e comprometer a seguridade dos bens e das persoas. 

De feito, esta tarde o 112 Galicia rexistrou algunas incidencias neste sentido, como a caída de macetas sobre un vehículo na Coruña e mesmo unha árbore, ou unha xanela sobre un sinal de tráfico en Neda, ou taboleiros dunha obra en Pontevedra, ou un muro sobre unha estrada, que chegou a afectar tamén ao firme.

Por outra banda, o Aeroporto de Santiago avisou dunha incidencia nun voo Madrid-Coruña, que foi desviado a Santiago, e parecía ter dificultades na aterraxe. Sen embargo, a manobra puido realizarse sen complicacións e toda a pasaxe, 178 pasaxeiros e 7 de tripulación, atópanse ben. 

Do mesmo xeito que a caída de árbores, vexetación e mobiliario urbano está a ser unha constante, as intervencións dos equipos de emerxencias para evitar situacións de perigo tamén. Co efecto do vento, moitas partes de estruturas, tellados, etc quedan inestables e constitúen un risco potencial. Estas accións ascenderon a 175 neste período.

Igualmente, a caída de cables e postes suman 64 e producíronse 33 derrubamentos de estruturas.

Por provincias, A Coruña contabilizou 381 incidencias, Pontevedra 186, Lugo 65 e Ourense 30. Se atendemos aos concellos que máis intervencións rexistraron foron, na Coruña, A Coruña 69, Carballo 30, Santiago 26, A Laracha 19, Arteixo 15, Noia 10; en Pontevedra, Vigo 53, Vilagarcía de Arousa 22, A Estrada 13; en Lugo, Quiroga 11, Lugo 8, Foz 3; e, en Ourense, Ourense 4, San Cibrao das Viñas 3, Pereiro de Aguiar 3.

Outros artigos

Padrón estrea o Outono Cultural 2026

O Concello de Padrón presenta unha nova edición do Outono Cultural, que entre o 7 de novembro e o 12 de decembro ofrecerá unha ampla programación de teatro, música e humor para todos os públicos. A primeira cita terá un carácter especial, coa entrega do XXV Premio de...

+

Publicidade

Revista en papel

Opinión

“Realidade e legalidade” – José Manuel Pena

“Realidade e legalidade” – José Manuel Pena

Sen dúbida unha cousa é a realidade e outra moi diferente a legalidade vixente. Desde algúns colectivos sociais e plataformas cidadás atópanse, con demasiada frecuencia, co muro do despropósito de moito gobernantes. Case sempre apelan á “legalidade” para non deixar de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.