O Concello de Porto do Son, no camiño de mellorar a calidade de vida das persoas maiores, vai retomar o programa de Paseos Saudábeis, baixo o lema Quen move as persoas move o corasón, que está previsto que se leven a cabo todos os venres a partir das 10.30 horas.
O Concello dará continuidade deste xeito a unha iniciativa que logrou un importante éxito na súa anterior edición, e que non só está aberto ao colectivo sénior senón tamén a persoas de todas as idades.
Como dixemos as saídas serán os venres dende as 10.30 horas a carón do Club de Xubilados. Os paseos serán de arredor de unha hora, aproximadamente. A dificultade dos percorridos será baixa e terán un trazado accesíbel e participativo.
As inscricións están abertas na Oficina Municipal de Deportes e no Centro de Saúde de Porto do Son.
