Como cada mes sae un novo número, da nosa publicación mensual en papel “O Barbanza” correspondente o mes de novembro. Esta edición a 67, está xa en distribución de balde en toda a comarca e trae unha ampla axenda das actividades sobre os actos nos concellos da comarca, dedicando especial información á xornada do 25N contra a Violencia da Muller.
Coma sempre o turismo, a cultura, a historia como a reportaxe sobre as nosas eltras e a historia do 70 aniversario do afundimento do “Albatros”, completan este número de “O Barbanza” de novembro que como é habitual ten unha tirada de 7.000 exemplares. Amais do seu formato físico pode descargarse en pdf desde o enlace: “O Barbanza” ou ben leelo nas distintas plataformas como pc, tablet e móbiles.
Invitarvos a seguirnos a diario en “www.obarbanza.gal“, onde continúan a aumentar os nosos letores que no último mes superaron a media de 3.100 usuarios únicos/día con xornadas que superan os 5.500 usuarios/día, e que seguen a actualidade da comarca as 24 horas.
Coma sempre xa sabedes que podedes mandarnos as vosas opinións, informacións, denuncias e convocatorias a redaccion@obarbanza.gal. Grazas polo apoio e a difusión.
