Este martes, 12 de novembro, terá lugar o desaloxo xudicial do inmoble número 3 da Rúa Xosé Ramón Fernández Barreiro.
Para garantir a seguridade, a Policía Local de Ribeira procederá ao corte da vía dende as 09:00 horas e durante o tempo necesario, ata a finalización das actuacións.
Durante o desaloxo, tamén estará prohibido o estacionamento diante do edificio e o tránsito peonil quedará acotado e canalizado mediante o oportuno balizamento, tanto na fachada principal, na propia Rúa Xosé Ramón Fernández Barreiro, como na parte posterior do inmoble, na DP-7305 (Costa da Mámoa), debendo os peóns transitar polas restantes beirarrúas.
Desde o concello solicitan á veciñanza, que na medida do posible fagan uso das vías alternativas, para evitar retencións de tráfico e aos propietarios dos vehículos estacionados na rúa, que os retiren antes da hora indicada.
