No marco das celebracións do Día Internacional das Persoas Coidadoras (este 5 de novembro), o Concello de Porto e a confederación COGAMI (presidida polo sonense Anxo Queiruga) organizan unha actividade de divulgación e información que reivindica ás persoas que velan polo benestar doutras persoas e que achega consellos xerais para incrementar a súa calidade de vida.
“Hoxe máis ca nunca queremos poñer en valor a importancia do papel que desempeñan tanto os profesionais como as familias no coidado das persoas dependentes”, sinalan acerca da actividade prevista para o 25 de novembro: a charla Coidando ao/á coidadora/a, que se vai levar a cabo no Centro de Día de Porto do Son, a partir das 16.00 horas. As inscricións estarán abertas até o 20 de novembro no teléfono 981 198 680. A sesión será impartida pola enfermeira do Centro de Saúde de Porto do Son.
