Este martes 29 de outubro celebrouse o acto de presentación da II Gala do Deporte en Outes que se celebrará o vindeiro 20 de decembro na Casa da Cultura local, a partir das 20.30 horas. Abriu o acto o alcalde Manuel González detallando a importancia que se lle está dando ao deporte no concello a través de varias obras e outras que están pendentes como o das luminarias do Pavillón e o céspede do Campo de Fútbol.
O concelleiro de deportes agradeceu a presencia dos clubs na presentación e sobre todo agradeceu a presenza do gañador do Mellor Deportista Promesa do ano pasado, Dani Abeijón, e que este ano aínda foi quen de superarse con creces a nivel europeo.
Logo o concelleiro presentou as categorías e as datas que son as seguintes:
Mellor Deportista Outense 2024 (masculino e feminino)
Mellor Deportista Promesa Outense (masculino e feminino)
Mellor Adestrador/a
Mellor Equipo
Mellor Club
Mellor Patrocinio
Mellor Evento do Ano
Ademais, resérvase para a comisión técnica deportiva a premio Mencións Especiais ano 2024.
As candidaturas poderán ser presentadas por calquera persoa, club ou entidade entre o 1 e o 22 de Novembro. O resto das bases podemos velas na web municipal.
