Tralo éxito da edición do pasado ano, na que se xuntaron máis de 150 persoas na gala de entrega dos Premios ABE á excelencia empresarial, a ABE abre este xoves 24 de outubro o período de votacións para a edición de este ano.
Segundo informou a patronal boirense, as empresas asociadas xa poden votar para elixir entre os 207 socios da entidade quen serán a mellor empresa e o mellor comercio de 2024.
Para votar as asociadas só teñen que acceder ao formulario e elixir aos comercios e empresas favoritas coa única limitación de non elixir aos gañadores de edicións anteriores.
O prazo comeza este 24 de outubro e remata o venres 8 de novembro.
Ademais deses dous premios a directiva da ABE outorgará o Premio de Honra a unha persoa empresaria recoñecendo a súa traxectoria e contribucións a economía local.
A gala deste ano celebrarase na Pousada da Galiza Imaxinaria o venres 22 de novembro.
Histórico de premiados
| ANO | MELLOR COMERCIO | MELLOR EMPRESA | PREMIO DE HONRA |
| 2017 | FARMACIA CIMADEVILA | A POUSADA DA GALIZA IMAXINARIA | |
| 2018 | BALDANI CONCEPT STORE | LA DOCE | |
| 2019 | SUPER CLAUDIO A TENDA DE PEPA | MOAI | |
| 2021 | THE DESIRE SHOP | JEALSA | JOSÉ GARCIA SÁNCHEZ |
| 2022 | CARNICERÍA MONCHO BOGA | A TERRAZA DO FURANCHO | JOSÉ ESPAÑA SILVA |
| 2023 | CETAREA ANGEL MAR | COAXIAL | ROSA MARIA TEIXEIRA |
