O Concello, a delegación sonense da AECC (Asociación Española Contra o Cancro) e a veciñanza de Porto do Son súmase este 23 de outubro á marea de cor rosa.
A cidadanía mobilízase hoxe nun acto conmemorativo enmarcado no Día Internacional da Loita Contra o Cancro do Mama, inicialmente previsto para o pasado 19 de outubro pero, no caso de Porto do Son, aprazado por mor do mal tempo para a xornada deste 23. A cita será ás 20.00 horas na estacada da Fachada Marítima de Porto do Son. Desenvolverase baixo o lema oficial da AECC: O rosa é máis que unha cor. A organización, que agradece a máxima participación das veciñas e dos veciños, lembra ademais que seguen abertas as inscricións para a andaina solidaria (Porto do Son en Marcha Contra o Cancro) prevista para este domingo 27 de outubro.
