O parque da Cachada, ás 9.30 horas deste sábado 19 de outubro (diante das escaleiras da Casa da Cultura), vai ser o punto de partida dun roteiro educativo (Convivencia en familia) pola cidade de Pontevedra ao servizo da veciñanza de Boiro. Trátase dunha actividade consistente nunha saída a Pontevedra para facer unha visita guiada pola cidade monumental e o Museo da cidade así como á área recreativa e os tesouros arqueolóxicos de Campo Lameiro.
Inscrición previa no Departemento de Ensino do Concello de Boiro (Casa da Cultura). Organiza o Concello.
