O Centro da Asociación Católica de Propagandistas (ACdP) de Santiago de Compostela celebrará as IV Xornadas de Católicos e Vida Pública, baixo o título Tolkien: Verdade e Mito.
O evento celebrarase esta fin de semana na Sede de Afundación Santiago de Compostela (Rúa do Vilar 19, Santiago de Compostela).
J.R.R.Tolkien, popular autor do Señor dos Aneis e O Hobbit, faleceu en 1973, pero pasados máis de 50 anos da súa morte, a súa popularidade non fai máis que crecer. Aumenta tamén o seu recoñecemento como home de firme fe católica, e o papel que esta fe tivo na súa obra (el escribiu que a súa estaba presente como “en solución, no simbolismo e a historia” que escribía). En España existe mesmo unha Asociación Tolkien Católica (aquí a súa web, aquí a súa Flickr).
A Asociación Católica de Propagandistas propón con este encontro en Santiago abordar a súa obra escrita e tamén a súa adaptación a outros formatos desde o punto de vista da historia, a mitoloxía, a lingüística, a filoloxía ou a música.
Ademais, búscase reflexionar sobre os valores e o transfondo católico implícito na súa obra. Temas como a valentía, a esperanza, o espírito de sacrificio, o traballo en equipo, a compaixón, a lealdade e a liberdade de elección entre o ben e o mal serán abordados neste encontro. A entrada das xornadas é libre ata completar aforo.
PROGRAMA
VENRES 4 DE OUTUBRO
19:15h INAUGURACIÓN, co arcebispo de Santiago, Francisco José Prieto Fernández; a secretaria xeral da ACdP, Carmen Fernández da Cigoña e Nuria Vázquez Freire, Secretaria do Centro da ACdP de Santiago de Compostela.
19:30h Conferencia: O Señor dos Aneis como novo libro de cabalerías, por Enrique García-Máiquez, poeta, columnista e crítico literario.
SÁBADO 5 DE OUTUBRO
10:30 h Conferencia: Tolkien e a misión dos contos de fadas, por Diego Blanco Albarova, investigador cultural, escritor e produtor de televisión.
12:30: Mesa redonda con estes temas:
- Tolkien medievalista, por Alejandro Rodríguez da Peña, catedrático de Historia Medieval da Universidade CEU San Pablo.
- Memorias do Campo de Batalla, con Emilio Domínguez Díaz, doutor en Humanidades, profesor e articulista.
- Tolkien, asidero no desmantelamento, con #Julio César Abad #Vidal, Doutor en Filosofía e Letras.
17:00h Conferencia: Tolkien e o cinema, con Alfredo Panadeiro, de European Dreams Factory
18:30h Mesa Redonda, cos temas:
- A beleza salvará ao mundo, o pulchrum na obra de Tolkien, por Ignacio Saavedra Inaraja, profesor de Comunicación Corporativa da Universidade CEU San Pablo;
- A creación fantástica a partir da obra de Tolkien, por Pablo Mato Collazo, doutor en Filoloxía inglesa e profesor de ensino secundario;
- Tolkien desde o estudo da linguaxe, por Ángel Ruiz Pérez, profesor titular de Filoloxía Grega da Universidade de Santiago de Compostela.
20:00h Clausura
Con Andrés Fernández Farto, Vigairo Xeral da Arquidiocese de Santiago; Nuria Vázquez Freire, secretaria do Centro da ACdP de Santiago e María Fernanda de Paz Beira, directora das Xornadas Católicos e Vida Pública.
Más información na web:
https://www.acdp.es/tolkien-verdade-e-mito
