Outra persoa tivo que ser excarcerada ao producirse unha saída de vía na AC-550, no quilómetro 45, na parroquia de Abelleira, en Muros.
Ás 12 horas o 112 Galicia recibía o aviso por parte do sistema de emerxencias integrado no vehículo. Mediante este sistema puidose contactar co particular implicado no accidente, o cal indicaba que tivera unha saída de vía co vehículo que conducía e non era capaz de saír do mesmo, xa que estaba envorcado.
De inmediato, pasouse aviso aos membros do GES de Muros, que foron os encargados de liberar á persoa que estaba atrapada polos pés. A maiores, tamén se informou aos axentes da Garda Civil e da Policía Local, así como ao Servizo de Urxencias Sanitarias de Galicia-061, aínda que finalmente a persoa foi trasladada polos seus propios medios ao Punto de Atención Continuada.
