Co inicio do novo curso regresa a actividade da Ludoteca Municipal do Concello de Porto do Son, un servizo de gran utilidade para a dinamización e o lecer infantil e familiar, e tamén para facilitar a conciliación durante o ano escolar. Haberá dous grupos: o grupo de 3 a 5 anos (a elixir os xoves ou os venres) e o grupo de 6 a 12 anos (a elixir o luns, o martes ou o mércores). As actividades desenvolveranse en horario de tarde, de 16.20 a 19.30 horas. Quen precise máis información ou formalizar as inscricións pode contactar coa Ludoteca a través dos números de teléfono 981767589 – 698197909 ou enviando un correo á conta omix@portodoson.gal. Na web municipal tamén poden recadar máis datos sobre a oferta de actividades.
