A veciñanza de Ribeira e Boiro achégase este sábado ao Salón Teatro de Santiago para asistir á función Terceiro Acto do CDG

02 Outubro 2024

A Casa da Cultura de Boiro e a Estación de Buses de Ribeira serán os puntos de partida esta finde (este sábado 5 de outubro ás 16.00 dende Ribeira e ás 16.15 horas dende Boiro) para unha excursión teatral a Santiago, co fin de asistir á representación de Terceiro Acto, unha produción do Centro Dramático Galego no Salón Teatro compostelán. Trátase dunha actividade do programa Sobes ao autobús do teatro?, programa de mobilidade do Centro Dramático Galego que permite á veciñanza dos concellos achegarse ás funcións do CDG en Santiago.

No caso de Boiro, máis información e inscrición en cultura@boiro.org ou no teléfono 981 84 84 25.

No caso de Ribeira, no teléfono 981835650 e no correo normalizacion@ribeira.gal.

Sinopse

Unha troupe de actrices e actores veteranos reúnese clandestinamente pola noite para emprenderen a que quizais sexa a súa última aventura xuntos. Nesta noite revivirán o que non volverá para entender, para modificar, para se reconciliaren co que xa non está, ao tempo que reflexionan sobre o terceiro acto das súas vidas. Xuntos, analizarán o seu legado e proxectaranse tamén no futuro incerto para falar sobre a vellez, a morte, os seus anhelos e desexos para esta nova etapa da vida. Terceiro acto é unha peza á vez cómica, sombría e fermosa. Un poema escénico sobre a memoria e os soños; un exorcismo, unha celebración da vida e do teatro.

Outros artigos

Volve o Concurso Escolar de Poesía Rosalía de Castro

A Fundación Rosalía de Castro e a Secretaría Xeral da Lingua presentaron hoxe a VIII edición do Concurso Escolar de Poesía Rosalía de Castro, coa que as dúas entidades, en colaboración con El Corte Inglés, pretenden fomentar a creación poética en lingua galega á vez...

+

Publicidade

Revista en papel

Opinión

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.