O proxecto da USC e a Xunta para galeguizar Siri e Alexa recala este xoves en Ribeira (e o 29 de outubro en Muros)

30 Setembro 2024

Este xoves 3 de outubro o Proxecto Nós de Intelixencia Artificial, impulsado pola Universidade de Santiago e Secretaría Xeral de Lingua, recala en Ribeira co obxectivo de gravar as voces da veciñanza e impulsar o desenvolvemento dun dos grandes proxectos de Nós: facer realidade (coas contribucións orais da cidadanía) que a Intelixencia Artificial, e máis polo miúdo sistemas tan estendidos e populares como Siri ou Alexa, sexan quen de falar en galego.

Ao longo de todo o día un grupo de persoas expertas da USC estarán agardando polas voluntarias e voluntarios na Aula CeMIT de Ribeira (Cubeliños, 20) para amosar como gravar as voces das persoas que participen na xornada de xeito que poidan contribuír, en última instancia, a un uso pleno do galego en asistentes intelixentes, ordenadores ou dispositivos móbiles en xeral.

Desde o Concello fan un chamamento a “participarmos nun proxecto tan importante coma este para o futuro da nosa lingua”, só é preciso “establecermos contacto co Servizo de Normalización Lingüística (normalizacion@ribeira.gal; 981835650) para cadrar as horas nas que irmos á Aula CeMIT, e evitar así agardas”.

A xeira de gravación levarase a cabo o vindeiro 3 de outubro, xoves, en horario de 10 a 14 e de 16 a 21 h.

Lembrar que en datas recentes o proxecto tamén fixo parada en Porto do Son.

Para quen non o saiba, o Proxecto Nós é unha iniciativa destinada a consolidar e dinamizar o galego no ámbito das tecnoloxías intelixentes de vangarda (impulsado pola Universidade de Santiago e a Consellería de Cultura a través da Secretaría Xeral de Política Lingüística, agora Secretaría da Lingua). Unha das súas liñas de traballo consiste en recoller diferentes xeitos de falar da nosa terra a través da dita campaña de doazón de voz que busca crear unha gran base de datos dixital que salvagarde o tesouro galego das diversidades dialectais e fonéticas, propiciando que todo tipo de dispositivos electrónicos poidan “entender” e “falar” a nosa lingua.

Lembrar que a xira para a captación de voces recalará tamén, o 29 de outubro, na Aula de Informática da Casa da Cultura de Muros, a partir das 10.00 horas.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.