CONGALSA organiza o vindeiro 6 de outubro a IX edición da súa Andaina Solidaria (inscricións xa abertas)

24 Setembro 2024

A empresa alimentaria da Pobra CONGALSA abriu o prazo para facermos as inscricións na súa IX Andaina Solidaria, que se celebra o vindeiro domingo 6 de outubro. A cita está novamente aberta a toda aquela persoa que desexe participar con todo o que isto leva parello: implicarse nunha boa cousa, compartir espírito solidario e desfrutar dunha xornada deportiva na mellor compaña (traballadoras/es de CONGALSA, familiares, amigos, entidades colaboradoras, provedores ou clientes, etc).

Esta cita anual coa solidariedade e o deporte celebrarase de modo presencial con saída á 09.30 h. da Lonxa de Aguiño (Ribeira) e, como en anos anteriores, terá unha duración aproximada de dúas horas. A metade de camiño haberá un punto de avituallamento e ao finalizar uns petiscos nos que poder comentar co resto de asistentes como foi o roteiro.

Todas as persoas interesadas en tomar parte nesta iniciativa poden inscribirse a través das webs de CONGALSA e de Deporticket ata o venres 4 de outubro. Para aquelas que queiran participar e non poidan asistir ao evento está a opción de facelo a través do Dorsal 0.

Os requisitos para participar, ademais da achega económica de catro euros, é que cada participante deberá entregar polo menos un quilogramo ou un litro de alimentos non perecedoiros.

“Con esta andaina queremos dar o noso apoio a aqueles que máis o necesitan, colaborando con iniciativas da comarca do Barbanza que traballen prestando apoio social a colectivos, persoas e familias en risco de exclusión social, como Cáritas e ICE Renovación”, explicou Isabel Cañas, directora de Relacións Externas de CONGALSA, expresando o seu agradecemento ao Concello de Ribeira e á Asociación de Amigos do Camiño de Santiago do Barbanza A Orixe pola súa colaboración na organización desta nova edición da andaina.

Cañas tamén fixo saber que a xornada solidaria non só será un evento para contribuír a causas benéficas, senón tamén “unha oportunidade para gozar dunha contorna natural única en Ribeira”. O percorrido de 10 quilómetros, deseñado para ser accesíbel a persoas de todas as idades, “convida a compartir unha experiencia na que se fusionan deporte e solidariedade”, sinala CONGALSA.

Así mesmo, as primeiras 300 persoas que se inscriban recibirán unha camiseta conmemorativa da andaina que levarán o deseño gañador do Concurso de Deseño que se organizou entre os traballadores de CONGALSA e os seus familiares.

A empresa da Pobra Caramiñal, que tamén ten sede en Ribeira, lanzou un chamamento a todos os participantes para que “gocen do evento”, non “só polo seu impacto solidario, senón tamén pola posibilidade de pasaren tempo de calidade con compañeiros, amigos e familiares, promovendo a saúde e a calidade de vida”.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.