Un incendio calcina unha caseta do antigo colexio Junior’s, en Santiago e varias persoas teñen que ser realoxadas

16 Setembro 2024
Tvg

Non houbo que lamentar danos persoais.

O 112 Galicia tivo constancia do lume un cuarto de hora antes das 18:00. A persoa que alertou indicou que saía fume negro dunha vivenda, preto do colexio Junior´s , en Villestro.

Con esta información, os xestores do 112 Galicia puxeron os feitos en coñecemento do Servizo de Urxencias Sanitarias de Galicia-061 e dos Bombeiros de Santiago, que se desprazaron ata o lugar. Tamén se avisou á Policía Nacional e á Local, así como á Agrupación de Voluntarios de protección Civil de Santiago.

Xa desde o punto, a dotación de bombeiros informou da situación: estaba a arder de forma intensa unha caseta de madeira, aínda que sen ningunha persoa afectada. Ata o lugar tamén se mobilizaron dúas motobombas da Central de Incendios Forestais da zona.

Nunha nova comunicación, os bombeiros confirmaron ter o lume xa controlado, aínda que ían permanecer no punto para facer labores de refresco. O lume fixo que unha caseta ardera por completo, mentres que outra tamén sufriu danos pero só no exterior.

Pola súa parte, a Policía Local indicou que se ía a proceder co realoxamento de varias persoas que estaban no recinto do colexio, por mor do fume causado polo incendio.

O colexio Junior’s pechou durante a pandemia e nos últimos anos serviu como instalacións para empresas de moi diferentes sectores.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.