O Concello de Outes iniciou o curso con obras de acondicionamento na rede viaria dirixida a mellorar a mobilidade, a accesibilidade e a seguridade, tanto dos condutores como dos viandantes. En concreto, vaise traballar esta tempada nos seguintes puntos do concello: na rúa do Conchido-Tras do Pavillón (Serra de Outes); na estrada da Piscina Municipal e do paseo fluvial (A Serra); no camiño de Vista Alegre á avenida de Fisterra (Serra de Outes); no acceso á Escola Infantil no Cruceiro de Roo (Roo) e no acceso a Rates polo Cabalo (San Cosme de Outeiro). O Concello explicou que o orzamento total destas actuacións ascende a 56.728 € financiados co POS+2022A e con fondos propios. Durante a execución das obras produciranse cortes de tráfico.
