Ribeira acolle este mércores ao mediodía un bingo comunitario de AGADEA con motivo do Día Mundial do Alzhéimer

11 Setembro 2024

Con motivo da celebración do Día Mundial do Alzhéimer, a Asociación AGADEA Ribeira celebra este mércores 11 un bingo solidario e comunitario na praza de España de Ribeira. Desenvolverase a partir das 12.00 horas baixo o lema Un día para lembrar. Este evento contará coa presenza do alcalde de Ribeira, Luís Pérez Barral, quen se encargará de “cantar” algúns dos números do bingo para a veciñanza. Prevese a asistencia de ao redor de 60 persoas.

Ademais do rexedor, estarán presentes diversas entidades sociais e inclusivas de Ribeira e da comarca do Barbanza como A Creba e Ambar, que se suman a este acto de sensibilización sobre unha enfermidade que afecta a máis de 70.000 persoas en Galicia. Tamén estará presente a presidenta de AGADEA, María Isabel Gey, quen realizará declaracións aos medios en relación ao mes de setembro, dedicado á concienciación sobre o alzhéimer.

O comercio local de Ribeira colaborou activamente na organización do evento, ofrecendo agasallos que se repartirán durante o bingo.

Desde as 11.00 horas, a praza de España será escenario de diversas actividades, co obxectivo de trasladar por un día as dinámicas do centro de día á rúa para “permitir a participación de toda a cidadanía”, explicou AGADEA.

María Isabel Gey, presidenta de AGADEA

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.