O Goberno rianxeiro aprobou a convocatoria de axudas para a adquisición de material escolar, incluíndo nestes apoios dispositivos electrónicos e roupa deportiva, ou sexa material destinado ao alumnado de educación infantil e ensino obrigatorio do municipio. A contía máxima das axudas será de 300€ para dispositivos electrónicos, 50€ para material escolar e 75€ para roupa deportiva.
“As familias poderán investir as axudas na compra de material necesario para o desenvolvemento da actividade do alumnado, de tal forma que poderán cubrir uns gastos de cara o vindeiro curso aos que non se fai fronte mediante ningún outro organismo público”, explicou o alcalde, Julián Bustelo.
O prazo de presentación de solicitudes será de quince días hábiles a partir da publicación das bases da convocatoria no Boletín Oficial da Provincia.
