O Grupo de Traballo Orca Ibérica-GTOA identificou as catro candorcas que este luns 2 de agosto pola tarde entraron na ría de Arousa. As imaxes foron tomadas por Kari Korhonen a bordo do barco CHASULA durante un programa de observación de aves mariñas.
Os exemplares identificados este ano son a avoa Toñi, que é a matriarca, o macho Pingu, as femias Gnomo e Gladis Estrela.
Segundo explicou o grupo de traballo, “das catro, só GE é Gladis, é dicir, a única que pode tocar barcos, pero en compañía destas tres seguro que non actúa”.
As interaccións que se produciron nas inmediacións da ría de Arousa foron seguramente provocadas por outros exemplares dispersos pertencentes ao grupo, que aínda non foron identificados, engade o grupo.
