Tres organizaciòns pesqueiras andaluzas -Faape, Feape e Admupes- que representan a organizacións de pescadores da comunidade de Andalucía, xunto con confrarías de pescadores e mulleres da oesca, van reunirse este luns coa secretaria xeral de Pesca do Ministerio de Agricultura e Pesca para trataren un asunto de grande trascendencia para elas e para o sector cerqueiro de caladoiro Cantábrico-Noroeste como é a sobrepesca da sardiña no espazo marítimo entre as fronteiras de España con Portugal e con Francia. Este exceso de pesca pode conlevar -afirman os pescadores andaluces- duras penalizacións por parte da UE dada a relación existente entre os excedentes de sardiña no Golfo de Cádiz pola aplicación da cota desta especie asignada vía Bruxelas, Madrid e Compostela que se captura rápidamente no Cantábrico-Noroeste e da que son excedentarios no Golfo de Cádiz.
Os cerqueiros andaluces do Golfo de Cádiz dispoñen anualmente dunha cota de sardiña que non poden capturar na súa totalidade e que era ese excedente que os seus compañeiros de Galicia compran porque tamén anualmente se lle adxudican a Galícia cotas de sardiñas moi por baixo das necesidades da frota cerqueira desta comunidade autônoma que ten á sardiña coma unha das súas especies obxectivo. Esta especie excedentaria no devandito Golfo de Cádiz acada un prezo de 0’35 euros por quilo para os barcos galegos que a adquiren, motivo polo que eliminada a “pesca olímpica” da mesma, as organizacións pesqueiras do Sur temen que a UE poida chegar á aplicación de sancións que lles repercutan negativamente aínda que poidan demostrar o seu estrito cumprimento do estipulado por Bruxelas.
Manolo Presas, patrón do cerco dende vai case 40 anos, láiase do desleixo das federacións provinciais, galega e nacional das confrarías de pescadores e dos gobernos de Galicia e España, dada a súa tendencia a agocharse cando xorde un problema, o que acontece prácticamente a diario.
Critica tamén Manolo Presas ao ICES, suposto encargado de facer as prospeccións do sector pesqueiro para informar do seu estado ao Goberno e que este lexisle ao respecto. Eles, os pescadores -argumenta Presas- están constantemente enriba do stock, traballando, e son os que coñecen en que estado se atopa o mesmo pero é ol ICES o que informa do mesmo ata chegar a dar conta de que a especie estaba en perigo, cando non foi certo.
Manolo Presas pregunta que especie está en perigo: a sardiña ou o pescador?. Non ten dúbida na resposta: o mariñeiro, porque os armadores teñen diñeiro e poden alugar a sardiña no Golfo de Cádiz dende vai 7 ou 8 anos e pescan aquí a sardiña que, teóricamente, estaba en perigo no mesmo caladoiro. Para eles a especie non está baixo mínimos. “Como dí o refrán, o que ten prata, fode e mata”.
Demanda Manolo Presas que o ministro de Pesca explique que ten previsto facer cos pescadores galegos do cerco aos que as Administracións a pecharon a cota de sardiña. “Esta xa non se pode pescar, como tampouco se pode facer coa xarda (prohibida) ou a anchoa (pechada). Na Zona 8ª c -de Fisterra a Francia- ten prohibidas esas tres especies das que vivimos durante o ano. Quedan seis meses por diante sen podermos pescar por falta de cota. Temos que amarrar a frota, que van facer con nós?. Este é un paro obrigado, non vontario. Ata marzo non comezarán as campañas da arda e a anchoa, e as Administración aínda non nos pagaron as axudas previstas na campaña de 2023 e agora a actual. De que imos vivir, se, amáis, hai un alto número de mariñeiros que non teñen dereito ao paro. Nen Madrid nen Santiago queren saber nada do asunto. Están a crear unha tensión tan grande no sector pesqueiro que este xa é unha bomba atómica a piques de estalar. Que dean unha resposta, porque o día que esta bomba revente ,vai salpicar a todo o mundo en España”.
