O Concello de Boiro organiza unha viaxe a Donostia (San Sebastián) para acompañar ao Club de Remo de Cabo de Cruz o vindeiro 8 de setembro na regata da Kontxa 2024 (Donostiako Estropadak). As inscricións para o autobús e aloxamento poden facerse no Departamento de Deportes ata o vindeiro mércores 4 de setembro.
O autobús sairá o sábado 7 de setembro ás 05.45 horas da Casa do Mar de Cabo de Cruz e ás 06.00 horas dende a Cachada. A chegada a San Sebastián está prevista ás 17.00 horas ao Hotel Unzuaga Plaza (Eibar)
O domingo 8 de agosto está previsto o almorzo no hotel entre as 7.45 e as 8.15 horas e ás 8.30 horas sairase cara a San Sebastián para presenciar a regata feminina, que comeza ás 11.00 horas e a masculina, que sairá ás 12.00 horas. A viaxe de regreso partirá ás 15.30 horas e a chegada a Boiro está prevista para as 02.00 horas.
Máis información e inscricións no Departamento de Deportes do Concello de Boiro, na Casa da Cultura, a través do enderezo electrónico deportes@boiro.org ou no teléfono 981 84 84 25. A data límite de inscrición será o mércores 4 de setembro ás 14.00h.
Lembrar que a tripulación masculina acadou este xoves a clasificación para regata da Kontxa, co cuarto mellor tempo e despois de asegurar o 9° posto na Liga EuskoLabel na fin de semana.
Segundo recorda o club no seu Facebook, co devandito cúmprense 20 participacións do club patrocinado por Rianxeira (JEALSA) na Regata da Kontxa con 10 clasificacións para a final.
