XVI Exaltación do Mexillón Cabo de Cruz no seu regreso despois de oito anos sen celebrarse

18 Agosto 2024

 O presidente da Deputación da Coruña, Valentín González Formoso, participou hoxe na XVI Exaltación do Mexillón Cabo de Cruz, no Concello de Boiro, xunto co alcalde do municipio, José Ramón Romero, e varios membros do goberno municipal.

Despois de oito anos sen celebrarse, esta cita gastronómica regresou por todo o alto á localidade co apoio das seis agrupacións de bateeiros do municipios con maior número de socios (Asmecruz, A Marxa, Amebarraña, Virxe do Carme, Opmegal e A Boirense) e do Concello, unindo as súas forzas co obxectivo de promocionar un produto de referencia na comarca.

Veciños e visitantes puideron degustar máis de 1.800 racións deste molusco con diferentes preparacións gastronómicas (empanada de mexillón, mexillóns ao vapor, mexillóns en vinagreta e hambuguesa de mexillón), ademais de participar en numerosas actividades lúdicas e festivas durante a fin de semana.

Formoso destacou a tradición mexilloeira de Boiro e o importante impacto económico e o elevado número de postos de traballo que xera no municipio o cultivo, transformación e comercialización deste produto de primeira calidade, no que Galicia é unha potencia produtora a nivel mundial.

O presidente reivindicou a necesidade de “potenciar o consumo do mexillón e crear alianzas entre produtores e consumidores, así como continuar promovendo a nosa materia prima en eventos coma este”.

O alcalde de Boiro, José Ramón Romero, agradeceu a implicación das agrupacións de bateeiros e das empresas e institucións que colaboran para recuperar unha festa que conta cunha tradición nun municipio que é un dos principais produtores de mexillón de Galicia.

A Deputación da Coruña apoia este ano a actividade das confrarías de pescadores con 650.00 euros e incluíu unha nova liña para subvencionar festas e actividades de exaltación de produtos do mar.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

O Culturgal Expandido recala esta semana en Muros

A edición 2026 do Culturgal Expandido chega esta fin de semana ao Mercado Municipal de Muros cunha programación gratuíta e para todas as idades. Na presentación do programa participaron Natividad Gonzalez, deputada de Cultura da Deputación da Coruña; María Lago,...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.