Este sábado 17 de agosto temos unha cita en Outes co comercio de proximidade e cos produtos da nosa terra: a nova edición de A Feiriña. Para ir convocando a meirande cantidade de visitantes, o Concello está a publicar estes días nas redes sociais unha serie audiovisuais breves nos que as persoas participantes explican no que consiste esta cita. Tamén detallan os produtos que imos atopar, principalmente de de gastronomía, de produtos locais e artesanía, aínda que tamén de cultura (libros), téxtil, maquinaria agrícola, coidados e saúde ou hostalería. O Concello explicou os días pasados que a previsión é a de xuntar a cifra de 60 postos.
A Feiriña celebrarase en horario de 11.00 a 21.00 horas na rúa da Capela. O programa, ademais da actividade comercial e divulgativa dos postos, inclúe concertos, exposicións e animación infantil. Tamén haberá servizo de polbeira e hostalaría.
A Feiriña vén da man do Concello de Outes e encádrase no seu obxectivo de dinamizar a economía local poñendo o foco no comercio de proximidade e coa intención de fomentar o produto local. “Nesta edición bateremos o récord de participación con máis de 60 postos á disposición do consumidor”, explicaron dende a organización.
