Os bombeiros do parque Comarcal Provincial de Ribeira participaron na tarde deste domingo 4 de agosto nun operativo dirixido a extinguir o lume que afectou á terraza exterior traseira dun restaurante na parroquia de Carreira, no concello de Ribeira. A taberna é coñecida como o do Arxentino.
O local estaba pechado e as lapas afectaron a material do mesmo, como unha grella ou mesas de madeira. Tamén se viu afectada a fachada.
Ademais do SPEIS de Ribeira, participou o Grupo de Emerxencias e Acción Municipal (GAEM) do municipio.
