O Concello de Muros impulsa un plan de mellora continua da rede de camiños e estradas das parroquias

01 Agosto 2024

O Concello de Muros puxo en marcha un plan de mellora continua da rede de camiños e estradas das parroquias. Neste marco, a Concellería de Obras levou a cabo varios traballos de renovación do pavimento en diferentes camiños nas últimas semanas, unhas tarefas que continuarán nos vindeiros meses.

Unha destas actuacións, cun orzamento de 40.000 euros, foi no camiño de acceso a Lestón de Abaixo, na parroquia de Abelleira, e no seu núcleo de poboación, e outra na Hedreira, na parroquia de Tal, cun investimento de 21.500 euros.

A Concelleira engade que tamén houbo obras na Pendente, en Esteiro, cun orzamento de 40.499 euros, e no Maio, tamén na parroquia de Esteiro, cun investimento de 21.890 euros.

“Son traballos necesarios, cos que damos ademais resposta ás demandas veciñais”, sinalou Laura Rivadeneira, concelleira de Obras de Muros.

Pola súa banda, a alcaldesa María Lago sinalou que “para o noso Goberno, as parroquias son unha prioridade, como dixemos desde un primeiro momento, polo que actuacións para mellorar a vida dos veciños e veciñas serán continuas”.

Ademais de estas obras de renovación do firme, nos últimos meses o concello realizou traballos de reparación de fochancas na rede de camiños da vila.

Outros artigos

No Son abriu o prazo dos cursos creativos municipais

O Concello de Porto do Son abriu o prazo para participar na nova oferta de obradoiros e actividades formativas e creativas dirixidas á veciñanza para o curso 2026/2027. As clases darán comezo neste mes de outubro e abranguen disciplinas tanto artesanais como...

+

Volve o Concurso Escolar de Poesía Rosalía de Castro

A Fundación Rosalía de Castro e a Secretaría Xeral da Lingua presentaron hoxe a VIII edición do Concurso Escolar de Poesía Rosalía de Castro, coa que as dúas entidades, en colaboración con El Corte Inglés, pretenden fomentar a creación poética en lingua galega á vez...

+

Publicidade

Revista en papel

Opinión

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.