Na mañá deste 1 de agosto, na sede da patronal de Boiro (ABE), tivo lugar o sorteo dos premios da primeira quenda da campaña de verán Quincenas Fantásticas da asociación empresarial entre os 1.699 tíckets de compra rexistrados polos clientes dos negocios asociados entre o 15 e o 31 de xullo. Segundo explicou a ABE, os 1.699 rexistros supoñen “un novo récord da campaña respecto do mesmo período do ano pasado superando os 670 da edición de 2021, os 1.015 da edición de 2022 e os 1.581 da de 2023 que ata hoxe tiña o récord do período”. Estes datos, engadiron fontes da patronal, “respaldan novamente a aposta feita pola ABE na dixitalización en materia de promoción comercial e consolidan unha tendencia á alza na participación dos seus clientes nos sorteos que organiza”.
Premios e premiados
250 euros – Zuleika Parada – A Panoleta
150 euros – Maribel – Panadería La Espiga
100 euros – Carmen Gómez – Café Bar La Atlántica
A ABE contactará cas persoas premiadas e realizará a entrega dos premios despois do segundo sorteo xuntando aos premiados e ambas quincenas.
Próximos sorteos
A campaña Quincenas Fantásticas segue en marcha ata o 19 de agosto e aínda se van sortear 500 € (1 premio de 250, 1 premio de 150 e 1 premio de 100 euros), Para participar os clientes deben realizar unha compra nun establecemento asociado a ABE e rexistrala na web da asociación.
Sorteos cada quincena
Tíckets rexistrados do 15 ao 31 de xullo >> sorteo o 1 de agosto
Tíckets rexistrados do 1 ao 18 de agosto >> sorteo o 19 de agosto
A campaña está cofinanciada pola Xunta de Galicia
