Lousame aproba unha modificación de crédito para a achega de 2025 para a construción da EDAR e rede de saneamento de cinco núcleos de poboación

27 Xullo 2024

O Pleno do Concello de Lousame aprobou unha modificación de crédito de 100.000 euros con cargo ao remanente líquido de Tesourería para gastos xerais como parte da achega municipal de 2025 ao convenio asinado coa Xunta de Galicia para dotar de saneamento e depuración a cinco núcleos do municipio. Un convenio que supón un investimento de 1,1 millóns de euros e do que o Concello de Lousame ten que achegar 182.000 euros o vindeiro ano 2025.
“É un adianto da achega para a nova EDAR. Preferimos ser garantistas e previsores, reservando estes cartos para facer un proxecto moi importante para o noso municipio xa que suporá a construción dunha nova depuradora e garantir un sistema de saneamento e depuración eficiente aos veciños e veciñas de Devesa, A Silva, As Quintáns, A Costa e Cruído, así como ao CIP Cernadas de Castro e instalacións deportivas como o polideportivo, o campo de fútbol ou a piscina municipal”, explicou a alcaldesa de Lousame, Teresa Villaverde.
A proposta saíu adiante cos votos a favor do Grupo de Goberno, as abstencións do PSOE e o voto en contra do Grupo Mixto. A voceira socialista, Ana María Domínguez, explicou que o seu grupo se abstería nas tres modificacións de crédito presentadas onte a Pleno ao entender que “son xestións necesarias pero tamén son decisións do Grupo de Goberno”.
Melloras na piscina
O Pleno municipal aprobou tamén outras dúas modificacións de crédito, na modalidade de transferencia de crédito entre partidas xa existentes. A primeira, por importe de 8.235 euros, contou co voto a favor do Grupo de Goberno e as abstencións de PSOE e Grupo Mixto. A segunda, por 3.740 euros, contou co voto a favor do Grupo de Goberno e do Grupo Mixto, e a abstención do BNG. “Esta modificación permitirá cambiar unha das dúas bombas da piscina municipal”, apuntou Teresa Villaverde, “e é unha actuación urxente porque estamos
funcionando cunha única bomba e iso supón un desgaste moi importante para a maquinaria”.
Grupo de Goberno e Grupo Mixto aprobaron tamén unha modificación na ordenanza fiscal reguladora da taxa do Punto de Atención á Infancia, con motivo da gratuidade deste servizo para as familias. O PSOE mantivo tamén neste punto a súa abstención. Finalmente, o Concello deu conta co período medio de pago do segundo trimestre de 2024, que se situou en 36,44

Outros artigos

Rianxo e A Estrada xa son oficialmente concellos irmáns

Este luns 19 de outubro formalizouse finalmente a sinatura do protocolo de irmandamento entre os concellos da Estrada e Rianxo, historicamente unidos polas figuras de Virxinia Pereira Renda (A Estrada) e Alfonso Daniel Rodríguez Castelao (Rianxo). A fraternidade...

+

Publicidade

Revista en papel

Opinión

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

“Sánchez y la fuerza del amor” – José Antonio Constenla

“Sánchez y la fuerza del amor” – José Antonio Constenla

Hay amores que mueven montañas y otros que, a juzgar por lo visto en Fuenlabrada, aspiran a mover algo más delicado: la opinión pública. Pedro Sánchez y Begoña Gómez se besan, bailan y se dedican un “Que lo escuchen, te quiero” ante los asistentes a un mitin del PSOE....

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.