Swing. A nova era do baile social e un obradoiro de baile gratuíto para adultas e adultos que vén de poñer en marcha a Concellería de Cultura do Concello de Rianxo do 26 ao 30 de xullo do presente ano dentro do marco das Noites de Jazz.
O programa desenvolverase no Cuartel Vello de Rianxo de 20:30 a 22:30 e será impartido por Francisco Muñiz, coreógrafo, bailarín e mestre de baile responsábel técnico e pedagóxico dende fai máis de tres décadas do Taller Alecrín.
Neste obradoiro de swing as persoas participantes farán un percorrido de xeito activo polas diferentes modalidades (swing & lindy hop, west coast swing, balboa…), explorando as capacidades rítmicas e de movemento que ofrece esta singular modalidade de baile.
O curso ten número máximo de 20 prazas e poderase reservar, tanto en parella como de xeito individual, no teléfono 698 150 432 dende o 15 ao 24 de xullo nun horario de 10:00 a 14:00 de luns a venres.
