Estas últimas semanas a Área de Obras e Servizos do Concello de Outes impulsou diversos traballos nos núcleos do municipio para mellorar a seguridade e accesibilidade en estradas, camiños e infraestruturas. Dende o Concello destacan a reparación de fochancas levado a cabo nas pistas da agra de Entíns, a roza de beiras ou o arranxo do muro de contención da entrada ao lugar do Catadoiro. A maiores, asfaltáronse pistas en Piñeiro e Vilar de Banzas.
Tamén se levou a cabo o entubado de pluviais nun camiño en Cures e a roza dalgúns dos tramos do camiño de Santiago que discorre polo concello.
Ademais, a Área de Obras colaborou con festas veciñais colocando a tarima para as actuacións, reforzando con máis contedores a recollida do lixo e facendo as limpezas postfesta ao día seguinte, etc.
