A Plataforma en Defensa da Pesca vai reunirse o vindeiro luns en Burela para decidir sobre o recurso diante do Tribunal Constitucional co obxectjvo de defender o sector fronte dos grandes parques eólicos mariños previstos na costa española, especificamente en augas das comunidades autónomas de Galicia e Asturias. O Recurso, no caso de se presentar, levarase ao Tribunal Constitucional e mesmo o Europeo. Será o máis probable, tendo en conta a decisión base de esgotar todas as vías, sen renunciar ao Recurso de Amparo.
Insiste a Plataforma en que a decisión do Supremo de desestimar O SEU RECURSO contra os Plans de Ordenación da Eólica Mariña (POEM) carrexará efectos socioeconómicos perniciosos para a pesca e, ao mesmo tempo, a diversidade ambiental. Un recurso baseado no informe do Observatorio do Litoral da Universidade da Coruña, que leva á Plataforma a reclamar que, antes de instalar os parques eólicos, se teñan en conta os informes científicos sobre posibles consecuencias. O voceiro da Plataforma, Torcuato Teixeira, acusou ao Goberno de “comezar a casa polo tellado” e de poñer os intereses das empresas por riba do interese xeral da cidadanía: catro dos dez e nove polígonos de eólica mariña previstos nas costas españolas serán instalados en augas de Galicia.
Asime (Asociación de Industrias do Metal de Galicia) cualifica de positiva a resolución do Supremo, ao entender que o alto tribunal constata o que defenden dende o comezo: que a aprobación dos POEM non só é correcta senón necesaria e conforme á esixencia europea para regular o espazo marítimo .
A Plataforma coida necesario un pormenorizado estudos sobre os impactos eólicos mariños, plasmados en documentos, tendo en conta que os primeiros indicios determinan a existencia de afectacións que fan máis que necesaria a participación nestes traballos do Instituto Español de Oceanografía (IEO) peza fundamental na valoración das mesmas. Deixalo fóra sería “unha temeridade”, argumenta o voceiro da Plataforma para este xornal.
