O Concello de Rois tivo que pechar a ruta das Penicias, unha ruta de sendeirismo que atravesa varias parroquias. Uns traballos forestais provocaron a caída de grandes pedras polo monte abaixo. Algunhas desas rochas houberon alcanzar varios veciños que paseaban pola zona.
O Concello de Rois deu orde para cortar o paso de xente.
Tomou a decisión despois da denuncia de varios veciños que se viron sorprendidos pola caída de pedras, algunhas de máis de 50 quilos, polo monte abaixo.
É o caso de Antón, que estaba facendo a ruta das Penicias con tres menores.
As pedras viñan do alto do monte, onde unha empresa facía traballos forestais. Berraron, pero ninguén os oía, e chamaron o 112, pero non tiñan cobertura. Non podían dar volta por medo ás pedras, así que agatuñaron por un pequeno barranco e acabaron accedendo a un camiño alternativo.
Xa co camiño pechado, quéixase de que a empresa forestal non sinalizara a zona nin se preocupase da xente que podía pasar polo camiño do fondo do monte.
