O Concello de Boiro ofrece un programa de visitas teatralizadas ao Pazo de Goiáns durante o verán realizadas pola agrupación Os Quinquilláns. A primeira das citas será este venres 19 de xullo ás 20.30 horas para público xeral.
Estas visitas, que xa se realizaron o ano pasado da man do mesmo grupo, teñen como finalidade dar a coñecer o patrimonio local e a historia do Pazo de Goiáns a través da visión dos personaxes que o habitaron.
As prazas para participar son limitadas e requiren inscrición previa, que se pode facer na Casa da Cultura de Boiro ou no teléfono 981 84 84 25 en horario de 8.00 a 13.30 horas.
